გვინეა
გვინეა (Guinee - გვინეის რესპუბლიკა), სახელმწიფო დასავლეთ აფრიკაში. ჩრდილოეთით ესაზღვრება სენეგალი და მალი, აღმოსავლეთით - კოტ-დ’ივუარი, სამხრეთით - სიერა-ლეონე და ლიბერია, აღმოსავლეთით - ატლანტის ოკეანე.
ფართობი - 245,9 ათ. კმ2.
მოსახლეობა - 10,3 მლნ. კაცი (2012),
ოფიციალური ენა - ფრანგული.
დედაქალაქი - ქ. კონაკრი.
ადმინისტრაციულად იყოფა 8 ოლქად.
სახელმწიფოს და მთავრობის მეთაურია პრეზიდენტი, საკანონმდებლო ორგანო - ეროვნული კრება (ერთპალატიანი პარლამენტი).
რესპუბლიკის დამოუკიდებლობა გამოცხადდა 1958 წლის 2 ოქტომბერს.
გვინეა აგრარული ქვეყანაა. განვითარებულია სამთომოპოვებითი მრეწველობა (ავსტრალიის შემდეგ მეორე ადგილი უკავია მსოფლიოში ბოქსიტის მოპოვებით და ექსპორტით).
საზღვაო პორტებია: კონაკრი, კამსარი.
საერთაშორისო აეროპორტი – კონაკრი.
შეიარაღებული ძალები საერთო შემადგენლობით 12,3 ათ. კაცი (2012), სახმელეთო ჯარები 10,6 ათ., სამხედრო-საჰაერო 0,8 ათ. და სამხედრო-საზღვაო ძალები 0,9 ათ. დაკომპლექტება ხორციელდება გაწვევით.
