გოგიაშვილი კუკური

კუკური გოგიაშვილი

გოგიაშვილი კუკური – (1912 – 1984), მსახიობი, დრამატურგი, ჟურნალისტი და პოეტი. დაიბადა ქუთაისში. 1928-1930 წლებში სწავლის პარალელურად მუშაობდა ქუთაისში თეატრში; სხვადასხვა დროს იყო თელავისა და თბილისის მოზარდ მაყურებელთა და თოჯინების თეატრების მსახიობი და დრამატურგი; ამავე დროს ჟურნალისტურ საქმიანობას ეწეოდა. მისი პირველი ლექსი, „შოთას”, გამოქვეყნდა 1934 წელს, ხოლო პირველი საბავშვო წიგნი „თინიკოს მამალი” – 1940 წელს. მას ეკუთნის საბავშვო ლექსების, პოემებისა და ზღაპრების კრებულები: „აბლი-ბაბლი” (1961), „ვინ დაღუპა აფრასიონი” (1964), „პაპა გიგო” და სხვა.

* * *

- ვინ უფრო გიყვარს, გოგიტა?

- ის, ვინც ბევრ კანფეტს მომიტანს!

- ვინ უფრო გიყვარს, ხათუნა?

- თოჯინა თვალებხატულა!

- შენ ვინღა გიყვარს, ირა?

- ვინც ნაყინს მაჭმევს ხშირად!

- შენ, ჩემო ცუგრუმელავ,

ვინ უფრო გიყვარს, ლელა?

- ჩემი ჭაღარა ბაბუა

სულ მირჩევნია ყველას!

წყარო

ქართველი პოეტები (ენციკლოპედია)