გუ

გუ – (ბალყ.-ყარაჩ. Гу – „თოლია“), ბალყარულ-ყარაჩული ნართული ეპოსის პერსონაჟი, დებეთის რიგით მეორე ვაჟი, მამის ცხვრის მწყემსი. გუს უმცროსი ძმა – ცეხნი, რომელმაც მასთან გახუმრება გადაწყვიტა, ცხვრის გატაცების მიზნით, ღამით ფარას მიეპარა. ხმაურზე გუ მიხვდა, რომ ეს ცეხნი იყო და შესაშინებლად ისარი ტყისკენ გაისროლა, ცეხნის მოხვდა. ნართი გმირის უბედურებით დამწუხრებულმა ღმერთმა იგი თოლიად აქცია.

ლიტერატურა

• Карачаево-балкарский героический эпос. М., 2004;
• Карачаево-балкарские мифы. Составитель М. Джуртубаев. Нальчик, 2007.

წყარო

კავკასიის ხალხთა მითები და რიტუალები