დორა
NPLG Wiki Dictionaries გვერდიდან
დორა - (დორიკა). ღვინის საწყაო, თიხის ჭურჭელი, ასევე ჭურიდან ამოღებული ღვინის მოსაკავებელი.
დორა ლეჩხუმსა და რაჭაში ღვინის უმთავრესი საზომი იყო. გამოირჩევა დახვეწილობით, გადმოსასხმელად მეტად მოხერხებული ყელ-პირით, მხარგაშლილია, მუცელი მსხლისებური და ძირი სწორი აქვს. ორი მომცრო ბრტყელი ყური მიძერწილია შუა მუცელზე. დორის ნახევარს „დორაკსა“ და „მენახევრესაც“ უწოდებენ. ჭურ-ქვევრის ტევადობას „დორას“ მიხედვით საზღვრავენ: სამდორიანზე პატარა ჭურჭელი ყვიბარია, 3-9 დორას შემცველს ქვევრს უწოდებენ, 10 დორიანზე დიდს კი - ჭურს. ტერმინი „დორა“ 1519 წლის საბუთშია მოხსენიებული. XVIIს-ის „იმერეთის კათალიკოსის სიაში“, აღნიშნულია, „მართებს საჩხეურს სამოცდა შუდი დორა“.
ლიტერატურა
ლ. ფრუიძე, მევენახეობა და მეღვინეობა საქართველოში, 1974. მ.ზ.
