ეპისკოპოსი გიორგი (ჯამდელიანი)
ეპისკოპოსი გიორგი (ჯამდელიანი) – ეპისკოპოსი გიორგი, ერისკაცობაში ლერი ვალერის ძე ჯამდელიანი დაიბადა 1981 წლის 1 ოქტომბერს, დაბა მესტიაში. 2006 წლის 27 აგვისტოს ბოლნისის მთავარეპისკოპოსი ეფრემმა ბერად აღკვეცა და უწოდა სახელად გიორგი. ამავე წლის 4 დეკემბერს ურბნისისა და რუისის მიტროპოლიტმა იობმა დიაკვნად აკურთხა. 2007 წლის 19 იანვარს, ხაშურის საკათედრო ტაძარში მღვდლად დაასხეს ხელი და ძამის ხეობაში ტბეთის მამათა მონასტრის წინამძღვრად დაადგინეს. 2008-2013 წლებში იყო ბოლნისის ეპარქიაში, სახუნდარის ღვთისმშობლის ხარების სახელობის მამათა მონასტრის წინამძღვარ. 2011 წელს უწმიდესისა და უნეტარესის ილია II-ის ლოცვა-კურთხევით ბოლნელმა მთავარეპისკოპოსმა ეფრემმა აღიყვანა იღუმენის ხარისხში და დააჯილდოვა ოქროს ჯვრის ტარების უფლებით. 2013 წლის 11 ოქტომბერს წმიდა სინოდის განჩინებით იღუმენი გიორგი გამორჩეულ იქნა მარნეულისა და ჰუჯაბის ეპისკოპოსად. ამავე წლის 23 ნოემბერს იღუმენ გიორგის სრულიად საქართველოს კათოლიკოს-პატრიარქმა უწმიდესმა და უნეტარესმა ილია II-მ, წმიდა სინოდის წევრებთან ერთად, ხელი დაასხა ეპისკოპოსად.
წყარო
საქართველოს მართლმადიდებელი სამოციქულო ეკლესიის ასწლოვანი მატიანე (1917-2017 წ.წ.)
