ერისი
NPLG Wiki Dictionaries გვერდიდან
ერისი – (ბერძნ.) „განხეთქილება“. განხეთქილებისა და შუღლის ქალღმერთი. არესის და და თანამგზავრი. ნიქსის ასული.
რომაულ მითოსში მისი სახელია დისკორდია. ერისთან დაკავშირებული საქვეყნოდ აღიარებული მითოსი ცნობილია სახელწოდებით: „განხეთქილების ვაშლი“. ამ ვერაგულმა ძღვენმა ტროას ომი გამოიწვია, რასაც შედეგად მოჰყვა ტროას დამხობა.
საბერძნეთში ერისის კულტი არ არსებობდა.
