ვაზის აბლაბუდიანი ტკიპა
ვაზის აბლაბუდიანი ტკიპა სხვა ტკიპებთან შედარებით ყველაზე მეტად აზიანებს ვაზს. გავრცელებულია საქართველოს მევენახეობის ყველა რაიონში.
მავნებელი წუწნით აზიანებს, ძირითადად, ფოთლებს, მაგრამ დაზიანებას იწყებს ახალგამოშლილი კვირტებიდან, შემდეგ გადადის ყლორტებსა და ფოთლებზე. დაზიანებული ლაქები შესამჩნევია ძარღვების გასწვრივ ნაწუწნ ადგილებში.
აბლაბუდიანი ტკიპა ზამთრობს ვაზის სხვადასხვა ნაწილებზე – შტამებზე, რქებზე, კვირტებში. მისი მეზამთრეობიდან გამოსვლა ვაზის კვირტების გაშლის ფაზას ემთხვევა. ისინი გადადიან ახალგამოსულ ფოთლებზე და მაშინვე იწყებენ კვებასა და კვერცხის დებას. ტკიპები – ჯერ ნორჩ ფოთლებზე ზედა მხრიდან, ხოლო ფოთლების ზრდასთან ერთად, მის ქვედა მხარეს, ძირითადად, ძარღვების გასწვრივ სახლდებიან.
ტკიპას განვითარების ოპტიმალური ტემპერატურაა 25 გრადუსი. მეტი ან ნაკლები ტემპერატურის პირობებში განვითარების ტემპი იკლებს, შემდეგ სრულიად წყდება და მავნებელი იღუპება.
მკურნალობა ტარდება ისეთი პრეპარატებით, როგორიცაა მასაი, ვერტიმეკი, ენვიდორი და ა.შ.
წყარო
ჟურნალი „აგრო ბაზისი“; 2016, №5. სტატია: „ვაზის აგროტექნიკური ღონისძიებები და მისი ძირითადი დაავადება-მავნებლები“; ავტორი: ვერა შინჯიკაშვილი.
