ვახტანგაძე მუხრან

მუხრან ვახტანგაძე

მუხრან ვახტანგაძე – დაიბადა 1973 წლის 22 იანვარს ქ. ბათუმში — სპორტსმენი. ბერძნულ-რომაული სტილის მოჭიდავე (85 კგ). 2000 წლის სიდნეის XXVII ოლიმპიური თამაშების ­ ბრინჯაოს მედალოსანი, 2004 წლის ათენის XXVIII ოლიმპიური თამაშების მონაწილე XVIII ადგილი. მსოფლიოს ჩემპიონი (2001), ევროპის ჩემპიონატის (2003) მესამე პრიზიორი. მსოფლიო თასის მფლობელი პირად (2003) და გუნდურ (2004) ჩათვლაში. FILA-ს საერთასორისო ფედერაციის ოქროს მედალი ჭიდაობის განვითარებაში შეტანილი განსაკუთრებული წვლილისთვის (2010, 2013, 2014); „სპორტის რაინდის“ წოდება (2013); ოქროს მედალი საქართველოს ჭიდაობის განვითარებაში შეტანილი განსაკუთრებული წვლილისთვის (2014).

განათლება

საქართველოს ფიზიკური აღზრდისა და სპორტის აკადემია (1999); საქართველოს სახელმწიფო აგრარული უნივერსიტეტის ბათუმის სასოფლო-სამეურნეო ინსტიტუტი, ეკონომისტ-იურისტი (2000-2004).

სამუშაო გამოცდილება

• ბათუმის სასპორტო სკოლის დირექტორი (2006-2015)
• აჭარის ავტონომიური რესპუბლიკის განათლების, კულტურისა და სპორტის სამინისტროს სპორტისა და ახალგაზრდობის საქმეთა დეპარტამენტის უფროსი (2015-2016)
• პარლამენტის წევრი 2016 წლიდან მაჟორიტარი, ბათუმის №70 საარჩევნო ოლქი, „ქართული ოცნება - დემოკრატიული საქართველო“, ფრაქცია „ქართული ოცნება“ წევრი, სპორტისა და ახალგაზრდულ საქმეთა კომიტეტის თავმჯდომარის მოადგილე.

სახელმწიფო ჯილდოები

• ვახტანგ გორგასლის მესამე ხარისხის ორდენის ორგზის კავალერი (2001, 2003)
• ღირსების ორდენი (2000)

რესურსები ინტერნეტში

• საქართველოს პარლამენტის ოფიციალური საიტი
• მუხრან ვახტანგაძე