ვიტრაჟი

NPLG Wiki Dictionaries გვერდიდან
გადასვლა: ნავიგაცია, ძიება
ვიტრაჟი

ვიტრაჟი - (ფრანგ. vitrage < ლათ. Vitrum - მონუმენტური ფერწერის დარგი. დეკორატიული კომპოზიცია შესრულებული ფერადი მინისგან. ვიტრაჟი მზადდება განჭვირვალე ფერადი მინის ნაჭრებისგან, რომელებიც ნახატის ესკიზის მიხედვით ტყვიითაა ერთმანეთთან მირჩილული.

ვიტრაჟი განსაკუთრებით გავრცელებული იყო შუა საუკუნეებში. იმ ეპოქაში ადამიანის ყველა ზრახვა და ფიქრი მიმართული იყო ღმერთისაკენ. ტაძარში შესული ადამიანი თითქოს სხვა სამყაროში ხვდებოდა. ამოდიოდა მზე და ეკლესიის ფანჯრებიდან, სადაც დატანებული იყო ასობით მრავალფერადი შუშა, დენას იწყებდა წითელი, ყვთელი, ცისფერი და მწვანე სხივების ჯადოსნური შუქი. ადამიანები ტკბებოდნენ სხვადასხვანაირი ორნამენტებით და რელიგიურ სიუჟეტებზე შესულებული კომპოზიციების ცქერით.

ვიტრაჟი უდუდეს ხელოვნებად იქცა. ამ ხელოვნების საიდუმლო მამიდან შვილზე გადადიოდა. ჩვენ დღესაც გვხიბლავს საფრანგეთის ქ. შარტრისა და რუანის ეკლესიების ვიტრაჟები, მილანის, რიგისა და სხვა შემობათა ვიტრაჟები.

დღეს თაანამედროვე ტექნიკა იძლევა ვიტრაჟის დამზადების ნაირგვარ საშუალებას. ჩვენამდე კი ვიტრაჟმა განვითარების გრძელი გზა გამოიარა. ადრე ვიტრაჟის დამზადების დროს ასეთ ტექნიკასა იყენებდნენ: მოხატავდენ გამჭვირვალე ან ფერად მინას განსაკუთრებული სილიკატური საღებავით, შემდეგ კი მსუბუქად გამოწვავდნენ. ჩვენს დროში შეიქმნა ფერადი პლასტმასის ვიტრაჟები, ზოგჯერ ისინი ტყვიითაა შეერთებული. ხშირად მათ მინას აწებებენ. ასე მიიღება ეგრეთ წოდებული შეფუთული ვიტრაჟი. ვიტრაჟს აკეთებენ დამსხვრეული ან ჩამოსხმული მინისგანაც, რომელსაც ერთმანეთთან ბეტონით ან ცემენტით აერთებენ. ვიტრაჟის საშუალებით ხელოვნურ განათებასაც კი იღებენ.

ვიტრაჟი ჩვენს დროშიც მეტად პოპულარულია და გამოიყენება თანამედროვე მშენებლობათა გასალამაზებლად და გამოსაცოცხლებლად. ვიტრაჟები ამშვენებენ თანამედოვე შენობებს ტაშკენტში, რიგაში, მოსკოვში, საქართველოში, უკრაინაში, იტალიაში და სხვა. ვიტრაჟები ამშვენებს თანამედროვე კინოთეატრების ფოიეებს, მუზეუმებს, საკონცეტრო დარბაზებს, სასტუმროების ინტერიერებს. შირმისა და ტიხრის სახით სასადილოებსა და რესტორნებშიც კი იყენებენ.


წყარო

სახვითი ხელოვნება, ნელი როსტომაშვილი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები