ზამთრის ოლიმპიურ საერთაშორისო ფედერაციათა ასოციაცია
ზამთრის ოლიმპიურ საერთაშორისო ფედერაციათა ასოციაცია (AIOWF) - საერთაშორისო სპორტული ორგანიზაცა. ზამთრის ოლიმპიურ საერთაშორისო ფედერაციათა ასოციაცია (AIOWF) აერთიანებს ზამთრის ოლიმპიურ თამაშებში მონაწილე სპორტულ ფედერაციებს, რომლებიც აღიარებულია საერთაშორისო ოლიმპიური კომიტეტის მიერ.
AIOWF-ი დაარსდა 1982 წელს. AIOWF-ში შედის შვიდი ფედერაცია. AIOWF-ი მჭიდროდ თანამშრომლობს ზამთრის ოლიმპიური სახეობების საერთაშორისო სპორტულ ფედერაციებთან, ასევე, საერთაშორისო სპორტულ ფედერაციათა გლობალურ ასოციაციასთან (GAISF) დაკავშირებულ ორგანიზაციებთან.
AIOWF-ი მიზნებში შედის: მის წევრებს შორის თანამშრომლობის გაღრმავება, ზამთრის ოლიმპიური თამაშების ორგანიზების მხარდაჭერა, ზამთრის სპორტის განვითარებასთან დაკავშირებული საკითხების მოგვარება და სხვ. AIOWF-ი თავის წარმომადგენლებს წარადგენს საერთაშორისო ოლიმპიური კომიტეტის და სხვა საერთაშორისო ორგანიზაციების კომისიებში და სათათბიროსაკონსულტაციო ინსტიტუტებში. ასოციაციას მართავს პრეზიდენტისგან და ოთხი წევრისგან შემდგარი საბჭო, რომლებიც თავის მხრივ, სხვადასხვა ფედერაციას წარმოადგენენ.
ზამთრის ოლიმპიურ საერთაშორისო ფედერაციათა ასოციაციის (AIOWF) წევრები
- ბიათლონის საერთაშორისო კავშირი (IBU)
- ბობსლეისა და სკელეტონის საერთაშორისო ფედერაცია (IBSF)
- კერლინგის მსოფლიო ფედერაცია (WCF)
- ყინულის ჰოკეის საერთაშორისო ფედერაცია (IIHF)
- ციგურაობის საერთაშორისო კავშირი (ISU)
- ციგაობის საერთაშორისო ფედერაცია (FIL)
- თხილამურობის საერთაშორისო ფედერაცია (FIS)
