ილიტონი
NPLG Wiki Dictionaries გვერდიდან
ილიტონი - აბრეშუმის ან ტილოს ქსოვილი, რომელშიც შეხვეულია ოდიკი. ილიტონი სიმბოლურად იმ არდაგს ნიშნავს, რომელშიც შეახვიეს მაცხოვარი.
ოდიკის შესახვევი აბრეშუმის ან სელის ოთხკუთხა ქსოვილი, „შესახვეველი“. სიმბოლოა, როგორც ახალშობილ მაცხოვრის სახვევებისა, ასევე გულისხმობს იმ სინდონს, ანუ არმენაკს, რომლითაც შეგრაგნეს ჯვრიდან გარდმოხსნილი და საფლავად დადებული სხეული ქრისტესი. სვიმეონ სოღუნელის თქმით: „ილიტონი წმინდა ტრაპეზზე არის ქრისტეს სიკვდილისა და აღდგომის ნიშნად“. მოციქულებმა ქრისტეს აღდგომის შემდეგ მის სამოსთან და სახვევებთან ერთად იხილეს სუდარაც, რომელიც განსაკუთრებულად იყო დახვეული. ზუსტად ასევე, იხვევა ილიტონიც და მასზე მაცხოვრის ნაცვლად დასვენებულია სახარება.
წყარო
- ჯიბის ცნობარი მართლმორწმუნე ქრისტიანისათვის
- საქართველოს ეკლესიის კალენდარი, 2005- 2004.
