იორდანე
იორდანე - მდინარე იორდანე სათავეს იღებს მთა ჰერმონის მისადგომებთან და უერთდება მკვდარ ზღვას. მისი სიგრძე შეადგენს 251 კმ და არის ბუნებრივი საზღვარი ისრაელსა და იორდანიას შორის.
მდინარე იორდანე ითვლება მსოფლიოში უწმიდეს მდინარედ, რადგანაც ახალი აღთქმის მიხედვით სწორედ იორდანეში ნათელიღო ქრისტემ იოანე ნათლისმცემლის ხელით. ამ დროს მდინარე იორდანე აღმა წავიდა და ეს ხდება ყოველ წელიწადს ნათლისღების დღესასწაულზე. ებრაელთა ენაზე იორდანე აღნიშნავს „დაშვებას“ ან „დაცემას“. მეცნიერთა ნაწილი ვარაუდობს, რომ ეს სახელი ამ წმიდა მდინარემ მიიღო ფილისტიმელებისაგან, მეცნიერთა მეორე ნაწილი კი ვარაუდობს, რომ სახელი „იორდანე“ მდინარემ მიიღო პალესტინაში მცხოვრები ე.წ. „კიდანებისაგან“ ძველი აღთქმის მიხედვით ისუ ნავესმა უფლის ჩაგონებით, ეგვიპტიდან გამოსული ებრაელები სასწაულებრივად გადაიყვანა მდინარე იორდანეზე. ეს ასე მოხდა: უფლის ჩაგონებით მღვდლებმა აიღეს აღთქმის კიდობანი და მდინარეში შევიდნენ. ჩადგეს თუ არა ფეხი წყალში მღვდლებმა, მდინარემ დინება შეწყვიტა. მალე წყლის კალაპოტი დაშრა და ყველანი მდინარის მეორე ნაპირზე ფეხდაუსველებლად გადავიდნენ. ეს უფლის ჩაგონებით ისუ ნავემ უბრძანა ებრაელებს იორდანეს ფსკერიდან ამოეღოთ 12 ქვა. ეს ქვები ებრაელებმა იმ ადგილას დააწყვეს, სადაც აღთქმის კიდობანი იყო დაბრძანებული მღვდლებთან ერთად. ქვებისგან ნიში გააკეთეს და ისუ ნავემ ყველას უთხრა, რომ ეს ნიში იქნებოდა მარადიულად იმის სახსოვრად, რომ უფალმა თავისი რჩეული ერი იორდანეს მეორე ნაპირას გადაიყვანა.
