იოქსიუზლე ჟულდუზუ

ჲოქსჲუზლე ჟულდუზუ (ბალყ.-ყარაჩ. Ёксюзле жулдузу – „ობოლთა ვარსკვლავი“) – ბალყარულ-ყარაჩული საწესო ცეკვა, რომელიც შვილის აყვანასთან დაკავშირებული რიტუალის დროს სრულდებოდა. შვილის აყვანამდე მომავალი დედა შვიდი წყაროდან იღებდა წყალს, რომელსაც საგვარეულო წყაროს წყალს ურევდა. შემდეგ ამ წყლით ბანაობდა და სამი დღე ლოგინში იწვა, რათა „შვილი გაეჩინა“. მეოთხე დღეს მასთან მიჰყავდათ ობოლი ბავშვი, რომელიც ქალს ძუძუზე კბილით შეეხებოდა. ამ დროს ახლობელი ქალები „ობოლთა ვარსკვლავს“ ცეკვავდნენ (ცეკვა შვილის აყვანის ინსცენირებას წარმოადგენდა).

ლიტერატურა

Кудаев М. Ч. Карачаево-балкарская этнохореография и символика. Нальчик, 2003.

წყარო

კავკასიის ხალხთა მითები და რიტუალები