კახეთის აჯანყება 1605
NPLG Wiki Dictionaries გვერდიდან
კახეთის აჯანყება 1605, კახეთის მოსახლეობის ბრძოლა სეფიანთა ირანის წინააღმდეგ. აჯანყების უშუალო მიზეზი გახდა შაჰ აბას I - ის დავალებით კახეთის მეფის ალექსანდრე II-ისა და მისი თანხმლები პირების დახოცვა 1605 წლის 12 მარტს ყიზილბაშთა მიერ, რომლებსაც მეთაურობდა მეფე ალექსანდრეს ვაჟი, ირანში გაზრდილი და გამაჰმადიანებული კონსტანტინე. ხალხმა მამის მკვლელი მეფედ არ მიიღო და კახეთში აჯანყებამ იფეთქა.
აჯანყებულებს სამხედრო დახმარება აღმოუჩინა ქართლის მეფე გიორგი X-მ. ქართველებმა ბელაქნისწყალზე მომხდარ ბრძოლაში დაამარცხეს კონსტანტინეს ლაშქარი, ხოლო თვითონ – მოკლეს.
კახეთის აჯანყებამ აიძულა შაჰი დათმობაზე წასულიყო. 1606 წელს მან კახეთის მეფედ დაამტკიცა კონსტანტინე II-ის შვილიშვილი, ქრისტიანი თეიმურაზ დავითის ძე (თეიმურაზ I ).