კვეს-აბედი
NPLG Wiki Dictionaries გვერდიდან
კვეს-აბედი – ცეცხლის ასანთები, რომელიც კვესისა და დამუშავებული აბედა სოკოსაგან შედგებოდა. კვესი სამჭედლოში დამზადებული დეკორატიული ფორმის ლითონის ფირფიტა იყო, რომელიც კაჟის დასაკვესად, კაჟზე ჩამოკვრით ნაპერწლის მისაღებად გამოიყენებოდა. ნაპერწკალი ხმელ აბედს ხვდებოდა, მას გააღვივებდნენ და ცეცხლს ანთებდნენ. სპეციალური ტყავის ტომსიკაში მოთავსებული კვეს-აბედი კაჟთან ერთად, აჭარელი და არა მარტო აჭარელი მამაკაცის კოსტიუმის შემადგენელი ელემენტი იყო.
