კვიცარიძე დავით
NPLG Wiki Dictionaries გვერდიდან
კვიცარიძე დავით − (1920 − 1998), მწერალი, პოეტი, დრამატურგი, საზოგადო მოღვაწე, მეორე მსოფლიო ომის მონაწილე.
დაიბადა ქუთაისში. 1941-43 წლებში იყო ბელორუსიაში მოქმედი ერთ-ერთი პარტიზანული რაზმის დაზვერვის უფროსი და რაზმის მეთაურის მოადგილე. 1943 წელს, ბრძოლაში მიღებული მძიმე ჭრილობის შედეგად დაბრუნდა სამშობლოში. 1957-1989 წლებში იყო საქართველოს მწერალთა კავშირის ქუთაისის განყოფილების პასუხისმგებელი მდივანი. მისი პირველი ლექსი გამოქვეყნდა 1946 წელს. 1947 წელს გამოაქვეყნა, 1957 წელს — პირველი პროზაული წიგნი „ორდიშევის ტყეში”. ლექსების პირველი კრებული „გზა” 1959 წელს გამოსცა. ავტორია ლექსისა „ქუთაისი”, რომელზეც შექმნილია კომპოზიტორ ნუნუ დუღაშვილის პოპულარული სიმღერა. დაკრძალულია მწვანეყვავილას მწერალთა და საზოგადო მოღვაწეთა პანთეონში.
- * * *
- განა შენთვის გული არ მითხოვია,
- ეგ თვალები რა სინაზით დახარე?!
- აბა, ქუჩებს ისე როგორ მოვიარ,
- შენი ქუჩა თუ არ მოვინახულე.
- მოდის წვიმა, მოდის ზეცის ნაკადი,
- წვეთებია, ჩემს გულს რომ ახარატებს,
- შენ არა ხარ, შენ სადა ხარ აქამდის,
- ნამქერს ვატან ჩემი გულის ბარათებს.
- გულო ჩემო, შენ ხომ მაინც იხარებ,
- მზის სხივები გულს ედება მძივებად,
- ისე, როგორც არ მეძინა წუხელის,
- ამაღამაც აღარ დამეძინება.