კობალაძე კობა

კობა კობალაძე

კობა კობალაძე – დაიბადა 1969 წლის 7 ივლისს ქ. თბილისში. — სამხედრო პირი. თავდაცვის უმაღლესი სპეციალური წოდება გენერალ-მაიორი (2001). სამშობლოს ერთგულებისა და თავდადების I ხარისხის „ოქროს სამკერდე ნიშანი“; სპორტის ოსტატი კრივში; სპორტის ოსტატი ხელჩართულ ბრძოლაში; საპარაშუტო სპეციალობის ინსტრუქტორი.

განათლება

• ქ. რიაზანის უმაღლესი საჰაერო სადესანტო სასწავლებელი (1996)
• ქ. მოსკოვის ფრუნზეს სახელობის სამხედრო აკადემია შენაერთების სამხედრო ადმინისტრაციული მართვისა და ოპერატიული ხელოვნების სპეციალობა (1999);
• ივ. ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი (1999).
• სწავლობდა ჩინეთის სახალხო რესპუბლიკის გენერალური შტაბის აკადემიაში (2001)

სამუშაო გამოცდილება

• კიროვის სახელობის ჩარხმშენებელი საწარმოს პრაქტიკანტი (1986-1987)
• სამხედრო სამსახური (სავალდებულო) (1987-1989)
• ეროვნული გვარდიის პირადი შემადგენლობა: სხვადასხვა თანამდებობა (1991-1994)
• ქალაქ ფოთის კომენდანტი (1992)
• დასავლეთ ოპერატიული მიმართულების სარდალი (1999-2001)
• ოპერატიული მიმართულების კოდორის ხეობის უფროსის დროებით მოვალეობის შემსრულებელი (2001)
• სახმელეთო ჯარების სარდალი (2001)
• ეროვნული გვარდიის სარდალი (2001-2004)
• არასამთავრობო ორგანიზაცია საქართველოს გენერალთა კლუბის დამფუძნებელი, პრეზიდენტი (2008-)
• თბილისის საკრებულოს წევრი (2012-2015)
• ვეტერანების საქმეთა სახელმწიფო სამსახურის დირექტორი (2016-)
• პარლამენტის წევრი 2016 წლიდან: მაჟორიტარი, თბილისის №20 საარჩევნო ოლქი, პოლიტიკური ბლოკი: „ქართული ოცნება - დემოკრატიული საქართველო“, დიასპორისა და კავკასიის საკითხთა კომიტეტის წევრი, თავდაცვისა და უშიშროების კომიტეტის თავმჯდომარის პირველი მოადგილე.

სახელმწიფო ჯილდოები

• ვახტანგ გორგასლის I ხარისხის ორდენი
• ვახტანგ გორგასლის II ხარისხის ორდენი
• ვახტანგ გორგასლის III ხარისხის ორდენი
• მედალი „მხედრული მამაცობისათვის“
• მედალი „საბრძოლო დამსახურებისათვის“

რესურსები ინტერნეტში

საქართველოს პარლამენტის ოფიციალური საიტი