კორძაძე გაიოზ

გაიოზ კორძაძე

გაიოზ კორძაძე – დაიბადა 1938 წლის 19 მარტს ჩოხატაურში.

განათლება – თბილისის სახელმწიფო უნივერსიტეტის აღმოსავლეთმცოდნეობის ფაკულტეტი (1966). სამხედრო სამსახური (1957-59).

სამუშაო გამოცდილება – ეწეოდა პედაგოგიურ საქმიანობას.

• 1-ლი მოწვევის საქართველოს რესპუბლიკის უზენაესი საბჭოს წევრი (1990-1991): მაჟორიტარი, დიდუბის საარჩევნო ოლქი, ბლოკი „მრგვალი მაგიდა - თავისუფალი საქართველო“, ქართველ ტრადიციონალისტთა კავშირი, საგარეო ურთიერთობათა კომისიის, ადამიანის უფლებათა დაცვის კომისიის წევრი;
• მე-3 მოწვევის საქართველოს რესპუბლიკის პარლამენტის წევრი (1992-95) კომპენსაციის სიით, ქართველ ტრადიციონალისტთა კავშირი, კულტურის კომისიის წევრი.

ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).

წყარო

საქართველოს პარლამენტის წევრები 1990-2015