ლაოსი
ლაოსი (Laos – ლაოსის სახალხო დემოკრატიული რესპუბლიკა) – სახელმწიფო სამხრეთ-აღმოსავლეთ აზიაში, ინდოჩინეთის ნახევარკუნძულზე.
ფართობი – 236,8 ათ. კმ2.
მოსახლეობა – 6,4 მლნ. კაცი (2012).
ოფიციალური ენა – ლაოსური.
დედაქალაქი – ქ. ვიენტიანი.
ადმინისტრაციულად იყოფა 14 კხუენგად (პროვინცია). სახელმწიფოს მეთაურია პრეზიდენტი. საკანონმდებლო ორგანოა სახალხო კრება, აღმასრულებელი – მთავრობა.
დამოუკიდებლობა გამოცხადდა 1945 წლის 12 ოქტომბერს, სახალხო-დემოკრატიულ რესპუბლიკად – 1975 წელს.
ლაოსი აგრარული ქვეყანაა. სოფლის მეურნეობის მთავარი დარგია მიწათმოქმედება. მოჰყავთ ბრინჯი, სიმინდი, ბოსტნეული, ზეთოვანი კულტურები და სხვა.
საერთაშორისო აეროპორტებია: ვიენტიანი, ლუანგპრაბანგსა და სავანაქეტი.
შეიარაღებული ძალები საერთო შემადგენლობით 29,1 ათ. კაცი (2012). სახმელეთო ჯარები, სამდინარო ფლოტილია 25,1 ათ. და სამხედრო-საჰაერო ძალები 4 ათ. დაკომპლექტება ხორციელდება გაწვევით.
