ლაყ-ლაყყათი

NPLG Wiki Dictionaries გვერდიდან
გადასვლა: ნავიგაცია, ძიება

ლაყ-ლაყყათ-ი (ბალყ.-ყარაჩ. Лъакъ-Лакъкъат) – მეძაღლეობის მფარველი სული ბალყარულ-ყარაჩულ მითოლოგიაში. მისი სრული სახელია „ძაღლთა ბატონი ლაყ-ლაყყათი“ (Хирмеклик бла Эгерликни иеси Лакъ-Лакъкъат). ცნობილია, როგორც უმმახანის ვაჟი (Уммаханы Лакъкъат уланы). მის სახელს ახსენებენ ღამის ახალგაზრდულ შეკრებებსა და ძაღლთა გამრავლებაზე საუბრის დროს, აგრეთვე მგლის ხახის შეკვრისა და ძაღლთა ყეფის საწინააღმდეგო შელოცვებში.

ლაყ-ლაყყათი ფლობს ჯადოსნურ თასს, რომელიც ღამით კაშკაშებს, დღისით კი შავდება. არსებობდა „ლაყ-ლაყყათის თამაში“ (Лакъ-Лакъкъат оюн), რომლის დროსაც კალოს გარშემო ფერხულში ჩაებმებოდნენ და დაგეშილ ძაღლსა და კატას წრეზე გაუშვებდნენ. საინტერესოა ითქვას, რომ ქრისტიანობის მიღებამდე სამშაბათს „ლაყყათის დღე“ (Лакъкъат-кюн) ეწოდებოდა (შემდეგ იგი გიორგის დღე“ — Гюрге/Геурге-кюн – გახდა).


ლიტერატურა

  • Каракетов М. Д. Из традиционной обрядово-культовой жизни карачаевцев. М., 1995;
  • Каракетов Д. М. Традиционные верования // Карачаевцы. Балкарцы. М., 2014.


წყარო

კავკასიის ხალხთა მითები და რიტუალები

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები