ლიბანი (სახელმწიფო)
ლიბანი (Lebanon – ლიბანის რესპუბლიკა) – სახელმწიფო დასავლეთ აზიაში, ახლო აღმოსავლეთში. ქვეყანას დასავლეთით ესაზღვრება ხმელთაშუა ზღვა.
ფართობი – 10,4 ათ. კმ2.
მოსახლეობა – 4,2 მლნ. კაცი (2012).
ოფიციალური ენა – არაბული.
დედაქალაქი – ქ. ბეირუთი.
ადმინისტრაციულად იყოფა 6 მუჰაფაზად (გუბერნია). სახელმწიფოს და მთავრობის მეთაურია პრეზიდენტი, საკანონმდებლო ორგანოა დეპუტატთა პალატა.
ლიბანის დამოუკიდებლობა გამოცხადდა 1943 წლის 22 ნოემბერს. მის ტერიტორიაზე მოქმედებს შეიარაღებული რადიკალური შიიტური პარტია "ჰეზბოლა“, აგრეთვე თავისი სამხედრო კონტინგენტი ჰყავს წარმოდგენილი სირიას.
ეკონომიკის ძირითადი დარგებია საბანკო-საფინანსო საქმიანობა, ვაჭრობა, ტურიზმი.
საზღვაო პორტებია: ბეირუთი, ტრიპოლი, საიდა, ჯუნია, ჯუბაილი, ბატრუნი.
საერთაშორისო აეროპორტი – ბეირუთი.
შეიარაღებული ძალები საერთო შემადგენლობით 59,1 ათ. კაცი (2012) სახმელეთო ჯარები 57 ათ., სამხედრო-საჰაერო 1 ათ. და სამხედრო-საზღვაო ძალები 1,1 ათ.. დაკომპლექტება 2007 წლიდან ხორციელდება დაქირავებული პირებით.
