მონიტორი (ხომალდი)

მონიტორი (ინგლისური Monitor – მაკონტროლებელი) – ჯავშნიანი, დაბალბორტიანი ხომალდი მცირე წყალწყვით და მძლავრი საარტილერიოშეიარაღებით. მისი დანიშნულება იყო საარტილერიო დარტყმების მიყენება მოწინააღმდეგის ჯარებისა და სანაპირო ობიექტებისთვის, ხომალდების განადგურება მდინარეებზე და ზღვის სანაპირო რაიონებში.

სახელწოდება წარმოიქმნა პირველი კოშკურიანი დაჯავშნული ხომალდის "მონიტორისგან", რომელიც ააგეს აშშ-ში 1862 წელს. მონიტორები ფართოდ გამოიყენებოდა I და II მსოფლიო ომებში.

XX საუკუნის 40-იანი წლების ბოლოს მათი მშენებლობა შეწყდა.

წყარო

ქართული სამხედრო ენციკლოპედიური ლექსიკონი