მტრალავი
NPLG Wiki Dictionaries გვერდიდან
მტრალავი – საბრძოლო ხომალდი, რომელიც განკუთვნილია საზღვაო ნაღმების ძებნის, აღმოჩენის, განადგურების და ნაღმსაშიშ რაიონებში ტრალებით ხომალდების (გემების) გაყვანისათვის. განეკუთვნება ნაღმსატრალავი ხომალდების კლასს. აღჭურვილია ნაღმების საძებნ-გამანადგურებელი აპარატურით, სახომალდო ტრალებით, დისტანციურად სამართავი ნაღმსაძებნ-გამანადგურებლებით. სიჩქარეა 18 კვანძამდე, ავტონომიურობა 7–15 დღე, ცურვის სიშორე დაახლოებით 1500 მილი; შეიარაღებაზე აქვს 1–2 უნივერსალური 76-მმ საარტილერიო დანადგარი.
წყალწყვის, შეიარაღების, ზღვაოსნობის, ავტონომიურობის და სხვა ტაქტიკურ-ტექნიკური ელემენტების კვალობაზე განასხვავებენ:
- საესკადროს – შენდებოდა II მსოფლიო ომამდე დაშორებულ რაიონებში საბრძოლო ხომალდების ესკადრებთან მოქმედებისათვის;
- საზღვაოს – 660–1300ტ წყალწყვისა, დაშორებულ საზღვაო რაიონებში მოქმედებისათვის;
- საბაზოს – 600 ტ-მდე წყალწყვისა, სანაპირო და შქერების (მარადმწვანე ბუჩქი) რაიონებში მოქმედებისათვის;
- რეიდულს – 250ტ-მდე წყალწყვისა, ყურეებში, ნავსაყუდლებში, რეიდებზე მოქმედებისათვის;
- სამდინაროს – 100 ტ-მდე წყალწყვისა მდინარეებზე, ტბებზე, წყალსაცავებში მოქმედებისათვის;
- კატარღა-მტრალავებს – 50 ტ-მდე წყალწყვისა, შიდა რეიდებზე ნაღმებთან ბრძოლის, საზღვაო და რეიდული მტრალავების ნაღსაწინააღმდეგო უზრუნველყოფისათვის.
მტრალავმების ფუნქციებს ცალკეულ შემთხვევებში ასრულებენ ვერტმფრენი – მტრალავები.
