მუსოლინი ბენიტო
NPLG Wiki Dictionaries გვერდიდან
მუსოლინი ბენიტო (Mussolini) (დ. 1883 – გ. 1945) – იტალიის ფაშისტი დიქტატორი 1922-43 წლებში.
1919 წელს დააარსა ფაშისტური პარტია, 1922 წელს მოვიდა ხელისუფლების სათავეში, შეზღუდა სამოქალაქო თავისუფლება, გაანადგურა ოპოზიცია და ერთპარტიული სახელმწიფო ჩამოაყალიბა.
მუსოლინის მთავრობა ატარებდა აგრესიულ საგარეო პოლიტიკას და ნაცისტურ გერმანიასთან ერთად გააჩაღა II მსოფლიო ომი, რომელშიც სრული კრახი განიცადა.
1945 წლის აპრილში მუსოლინი იტალიელმა პარტიზანებმა შეიპყრეს და სიკვდილით დასაჯეს.
