მხედრული ვალი
მხედრული ვალი – სამხედრო მოსამსახურეების მორალურ-სამართლებრივი ვალდებულება ხალხის და სახელმწიფოს წინაშე იმ ამოცანების შესასრულებლად, რომლებიც შეიარაღებულ ძალებზეა დაკისრებული. მხედრული ვალის ფორმირების ობიექტურ საფუძვლად გვევლინება სახელმწიფოს და საზოგადოების მოთხოვნები შეიარაღებული ძალების პირადი შემადგენლობისადმი, მისი მორალურ-საბრძოლო თვისებებისადმი, მხედრული მოვალეობის შესრულებისადმი.
სამხედრო მოსამსახურის უნარი დამოკიდებულია მის პოლიტიკურ და მოქალაქეობრივ სიმწიფეზე, სამხედრო-პროფესიულ მომზადებაზე, ფსიქოლოგიურ წრთობაზე, სახელმწიფოს სამხედრო პოლიტიკის, სამხედრო სამსახურის საზოგადოებრივი მნიშვნელობის გაცნობიერებაზე.
სამხედრო მოსამსახურის ქცევის ზნეობრივი და სამართლებრივი ნორმა, მისი ძირითადი მოთხოვნები გამყარებულია ქვეყნის კონსტიტუციაში, სამხედრო ფიცში, სამხედრო წესდებებში.
