ნარმანია იგორ
NPLG Wiki Dictionaries გვერდიდან
იგორ ნარმანია – (დ. 25 მარტი, 1947, ოჩამჩირის რაიონის სოფელი ილორი — გ. 10 იანვარი, 2010). — სპორტსმენი, პოლიტიკოსი. სპორტის ოსტატი, საქართველოს და საბჭოთა კავშირის მრავალგზის ჩემპიონი ძიუდოში
განათლება – ქ. ლენინგრადის ტექნოლოგიური ინსტიტუტის კვების პროდუქტების წარმოების ტექნოლოგიის ფაკულტეტი (1988). სამხედრო სამსახური (1967-69).
სამუშაო გამოცდილება
- მწვრთნელი ძიუდოში (1967-90);
- 1-ლი მოწვევის საქართველოს რესპუბლიკის უზენაესი საბჭოს წევრი (1990-1991): საარჩევნო ბლოკი „მრგვალი მაგიდა - თავისუფალი საქართველო“, საქართველოს ჰელსინკის კავშირი.
ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).
