ნაურუ
NPLG Wiki Dictionaries გვერდიდან
ნაურუ - (Republic of Nauru – ნაურუს რესპუბლიკა), სახელმწიფო ნაურუს კუნძულზე, წყნარი ოკეანის სამხრეთ-დასავლეთ ნაწილში.
ფართობი 22 კმ2.
მოსახლეობა 13 ათ. კაცი (2012).
ოფიციალური ენები – ნაურუული და ინგლისური.
ოფიციალური დედაქალაქი არ გააჩნია. დიდი ქალაქია სეტლემენტი.
მთავრობის რეზიდენცია იარენის ოლქშია. ადმინისტრაციულად იყოფა 14 ოლქად. შედის დიდი ბრიტანეთის თანამეგობრობაში.
სახელმწიფოს და მთავრობის მეთაურია პრეზიდენტი. საკანონმდებლო ორგანო – პარლამენტი. დამოუკიდებლობა გამოაცხადა 1968 წლის 31 იანვარს.
ეკონომიკის საფუძველია ფოსფატის მოპოვება და ექსპორტი.
შეიარაღებული ძალები არ გააჩნია. ჰყავს მცირე ზომის პოლიციური დანაყოფი. ნაურუს თავდაცვის უზრუნველყოფა ეკისრება ავსტრალიას.
