ნიდერლანდები

NPLG Wiki Dictionaries გვერდიდან
გადასვლა: ნავიგაცია, ძიება
ნიდერლანდების დროშა

ნიდერლანდები - (Nederland – ნიდერლანდების სამეფო), სახელმწიფო დასავლეთ ევროპაში. ქვეყანას ჩრდილოეთით და დასავლეთით ესაზღვრება ატლანტის ოკეანის ჩრდილოეთის ზღვა.

ფართობი - 41,5 ათ. კმ2.

მოსახლეობა - 16,6მლნ. კაცი (2012).

ოფიციალური ენა – ნიდერლანდური.

დედაქალაქი - ქ. ამსტერდამი.

მთავრობის რეზიდენცია - ჰააგა. ადმინისტრაციულად იყოფა 12 პროვინციად. მის მფლობელობაში შედის ვესტ-ინდოეთში მდებარე ანტილის კუნძულთა ჯგუფი. ნიდერლანდებში კონსტიტუციური მონარქიაა. სახელმწიფოს მეთაურია მეფე. საკანონმდებლო ძალაუფლება აქვს მეფეს და გენერალურ შტატებს (ორპალატიან პარლამენტს), აღმასრულებელი – მეფეს და მთავრობას. ნიდერლანდები ნატოს წევრი ქვეყანაა.

მაღალგანვითარებულია ინდუსტრიულ-აგრარული დარგები: მეტალურგია, მანქანათმშენებლობა, ლითონდამუშავება. სოფლის მეურნეობა – მეცხოველეობა. სამხედრო მრეწველობა აწარმოებს საავიაციო, ჯავშანსატანკო და სამხედრო-საზღვაო შეიარაღებას, საარტილერიო და ცეცხლსასროლ იარაღს, ტყვია-წამალს, რადიო-ელექტრონულ მოწყობილობას და სხვა.

მსხვილი საზღვაო პორტებია: - როტერდამი, ამსტერდამი.

საერთაშორისო აეროპორტი - ამსტერდამი (სხიპჰოლი).

შეიარაღებული ძალები საერთო შემადგენლობით 37,3 ათ. კაცი (2012) სახმელეთო ჯარები 20 ათ., სამხედრო-საჰაერო 8,8 ათასი და სამხედრო-საზღვაო 8,5 ათ.. შეიარაღებული ძალების დაკომპლექტება ხორციელდება დაქირავებული პირებით.

წყარო

ქართული სამხედრო ენციკლოპედიური ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები