ნიკარაგუა

NPLG Wiki Dictionaries გვერდიდან
გადასვლა: ნავიგაცია, ძიება
ნიკარაგუას დროშა

ნიკარაგუა - (Nicaragua – ნიკარაგუას რესპუბლიკა), სახელმწიფო ცენტრალურ ამერიკაში. ქვეყანას სამხრეთ-დასავლეთით ესაზღვრება წყნარი ოკეანე, ხოლო აღმოსავლეთით – ატლანტის ოკეანის კარიბის ზღვა.

ფართობი - 130 ათ. კმ2.

მოსახლეობა - 5,8 მლნ. კაცი (2012).

ოფიციალური ენა – ესპანური.

დედაქალაქი - ქ. მანაგუა.

ადმინისტრაციულად იყოფა 15 დეპარტამენტად და 2 თვითმმართველ რეგიონად.

ნიკარაგუა დამოუკიდებელი ქვეყანაა 1821 წლის 15 სექტემბრიდან.

სახელმწიფოს და მთავრობის მეთაურია პრეზიდენტი. საკანონმდებლო ორგანო – ეროვნული ასამბლეა (ერთპალატიანი პარლამენტი).

ნიკარაგუა აგრარული ქვეყანაა. სოფლის მეურნეობის მთავარი დარგია მიწათმოქმედება. მოჰყავთ: ყავის, შაქრის ლერწმის და ბამბის კულტურები. მრეწველობა სუსტადაა განვითარებული. ამუშავებენ სოფლის მეურნეობის პროდუქტებს.

მსხვილი საზღვაო პორტებია: პუერტო-კაბესასი, ბლუფილდზი, ელ-მორიტო, კორინტო, სან-ხუან-დელ-სური.

საერთაშორისო აეროპორტია- მანაგუა.

შეიარაღებული ძალები საერთო შემადგენლობით 12 ათ. კაცი (2012). სახმელეთო ჯარები 10 ათ., სამხედრო-საჰაერო 1,2 ათ. და სამხედრო-საზღვაო 0,8 ათ.. შეიარაღებული ძალების დაკომპლექტება ხორციელდება დაქირავებული პირებით.

წყარო

ქართული სამხედრო ენციკლოპედიური ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები