სპანდერაშვილი ნინო
NPLG Wiki Dictionaries გვერდიდან
(გადმომისამართდა ნინო სპანდერაშვილი-დან)
სპანდერაშვილი ნინო − (1966), ქართველი პოეტი და მთარგმნელი. დაიბადა წნორში (სიღნაღი). დაამთავრა სტავროპოლის პოლიტექნიკური ინსტიტუტი, თბილისის ჰუმანიტარულ-ტექნიკური უნივერსიტეტის ქართული ენისა და ლიტერატურის განყოფილება. 1985 წლიდან ცხოვრობს ქალაქ ერევანში. მუშაობს სომხეთის საზოგადოებრივი რადიოს ახალი ამბების საზღვარგარეთის გადაცემების განყოფილებაში, დიქტორ-მთარგმნელად, ერევნის საკვირაო სკოლის ქართული ენისა და ლიტერატურის მასწავლებლად, სათვისტომოს გაზეთ „ივერიის” ქართული ნაწილის რედაქტორად. მისი ლექსები და თარგმანები დაბეჭდილია არაერთ ქართულ და სომხურ პერიოდულ გამოცემაში.
- პარუირ სევაკი, უცებ
- თარგმნა ნინო სპანდერაშვილმა
- ამბობენ რომ ცხოვრებაში უცებ არაფერი ხდება,
- არც ხალიჩა, არც კარპეტი ერთბაშად არ იქსოვება,
- არ შენდება ციხე მყისვე და ხელადვე არ ინგრევა,
- უცებ ქარი არ გრიგალობს, თოვლით გზები არ ივსება.
- თუ ხილიც კი არ მწიფს მყისვე,
- ხელი ბრძენად ვერ იქცევა,
- უცებ ვერვინ დაწყვილდება და სამად ვერ გადიქცევა,
- დალევის და ჭამის ეშხი ერთბაშად არ აღიძვრება,
- დღევანდელი წარსულად და
- ხვალ-მომავლად არ ითვლება.
- ასეთია ჭეშმარიტად წუთისოფლის ზნე და ჩვევა,
- თუმც რომ მკითხონ − ცხოვრებაში
- რას ვინატრებ ბედისწერად?
- გიპასუხებთ: „მოსახდენი უცებ რომ მარგუნოს ზენამ“!
