ნიქსი
NPLG Wiki Dictionaries გვერდიდან
ნიქსი – (ბერძნ.) „ღამე“. ღვთაება, რომელიც ღამეს განასახიერებს. იგი გაჩნდა ქაოსისაგან, ხოლო როდესაც თავისივე ძმას, ერებოსს, დაუკავშირდა, შვა ეთერი (მიწისზედა ნათელი სივრცე), ჰემერა (დღე), თანატოსი (სიკვდილი), ჰიპნოსი (ძილი), ნემესისი (შურისძიება), მოირები (ბედისწერის ქალღმერთები) და სხვა ღვთაებრივი ძალები. ნიქსი ბინადრობს ჰადესში და ყოველდღე გამოდის მისი დასავლეთის კარიბჭიდან. თან მოჰყვებიან ჰიპნოსი და თანატოსი. ასე წარმოსახავდნენ მას ლარნაკებზე. ორფიკოსები ნიქსს სამყაროს პირველსაწყისად აღიარებდნენ.
