ოკუპაცია

ოკუპაცია - (ლათინური occupatio – ხელში ჩაგდება, დაუფლება), მეომარი სახელმწიფოს ჯარების მიერ მოწინააღმდეგის ტერიტორიის (მისი ნაწილის) დროებითი დაკავება და მასზე ამ ჯარების უმაღლესი სამხედრო ინსტანციების ძალაუფლების დაწესება.

ოკუპაცია არ გულისხმობს დამპყრობი ქვეყნის სუვერენიტეტის გავრცელებას დაკავებულ ტერიტორიაზე. სამხედრო-საოკუპაციო ადმინისტრაციის ძალაუფლება ხორციელდება საერთაშორისო სამართლის ნორმების ფარგლებში (ჰააგის 1899, 1907 წლების და ჟენევის 1949 წლის კონვენციები).

ოკუპაციის რეჟიმის დარღვევები განიხილება, როგორც საერთაშორისო დანაშაულობები, ხოლო ამ დარღვევებზე პასუხისმგებლი პირები – როგორც სამხედრო დამნაშავეები.

წყარო

ქართული სამხედრო ენციკლოპედიური ლექსიკონი