ორფოთოლა (Platanthera chlorantha (Custer) Rchb.)

NPLG Wiki Dictionaries გვერდიდან
გადასვლა: ნავიგაცია, ძიება
Platanthera chlorantha (Custer) Rchb.

ორფოთოლა – (Platanthera chlorantha (Custer) Rchb.); ოჯახი: ჯადვარისებრნი (Orchidaceae). 30-60 სმ სიმაღლის მრავალწლიანი ბალახოვანი მცენარეა. ფოთლები მთლიანია, წაწვეტებული, მოგრძო-კვერცხისებური. ფოთოლი ორია, ფართო და ბლაგვწვერიანი; ღეროს ზედა ნაწილში პატარა ლანცეტა და მახვილი ფოთლებია. ყვავილედი მეჩხერია, ცილინდრული ფორმის, მრავალყვავილიანი. თანაყვავილედი ფოთლისებურია, მწვანე, ლანცეტა, წაწვეტებული ან ბლაგვი. ყვავილები მომწვანო-თეთრია. ტუჩი ხაზურია ან ლანცეტა. ყვ. ნაყ. V-VIII. იზრდება იშვიათად, დაბლობიდან ტყის ზედა სარტყლის ფართოფოთლოვან ტყეებში, ძირითადად, წიფლნარ-მუხნარებში, წიწვოვან ტყეებში, ბუჩქნარში, ალპურ სარტყელში – მდელოებზე. კახეთში მისი ნახვა შესაძლებელია ლაგოდეხის დაცჭლ ტერიტორიაზე. გავრცელებულია მთელ საქართველოში.





წყარო

კახეთის რეგიონის მცენარეები

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები