პაკისტანი
პაკისტანი - (Pakistan – პაკისტანის ისლამური რესპუბლიკა), სახელმწიფო სამხრეთ აზიაში. ქვეაყნას სამხრეთით ესაზღვრება ინდოეთის ოკეანის არაბეთის ზღვა.
ფართობი - 880,9 ათასი კმ2. (პაკისტანის მიერ კონტროლირებადი ინდური შტატების ჯამუს და ქაშმირის ტერიტორიების გარეშე).
მოსახლეობა - 184,7 მლნ. კაცი (2012).
ოფიციალური ენები – ურდუ და ინგლისური.
დედაქალაქი - ქ. ისლამაბადი.
ადმინისტრაციულად იყოფა 6 პროვინციად, 1 ტერიტორიად და დედაქალაქად. შედის დიდი ბრიტანეთის თანამეგობრობაში. საკანონმდებლო ძალაუფლება აქვს ორპალატიან პარლამენტს, აღმასრულებელი – პრეზიდენტსა და მთავრობას.
პაკისტანის სახელმწიფო წარმოიქმნა 1947 წელს, როდესაც რელიგიური ნიშნით ორად გაიყო ბრიტანეთის ინდოეთი. 1956 წელს გამოცხადდა რესპუბლიკად. 1971 წელს აღმოსავლეთ პაკისტანის ტერიტორიაზე შეიქმნა ბანგლადეშის სახელმწიფო.
პაკისტანი აგრარულ-ინდუსტრიული ქვეყანაა. აქვს ბირთვული მუხტების შექმნის ტექნოლოგია და რესურსები. 1998 წლის მაისში განახორციელა მიწისქვეშა ბირთვული აფეთქებები.
საზღვაო პორტებია: კარაჩი, მუჰამედ-ბეი-ქასიმი, გვადარი.
საერთაშორისო აეროპორტები: კარაჩი, ისლამაბადი, ლაჰორი.
შეიარაღებული ძალები საერთო შემადგენლობით 617 ათ. კაცი (2012). სახმელეთო ჯარები 555 ათ., სამხედრო-საჰაერო 45 ათ. და სამხედრო-საზღვაო 17 ათ. რეზერვი - 5 ათ. კაცი. დაკომპლექტება ხორციელდება დაქირავებული პირებით.