პალესტინის წინააღმდეგობის მოძრაობა

NPLG Wiki Dictionaries გვერდიდან
გადასვლა: ნავიგაცია, ძიება

პალესტინის წინააღმდეგობის მოძრაობა – პალესტინელი არაბების გამათავისუფლებელი მოძრაობა ეროვნული დამოუკიდებლობის და თავისი სუვერენული სახელმწიფოს შექმნისთვის. ამ მიზნებისთვის ბრძოლაში იყენებს როგორც პოლიტიკურ, ისე სამხედრო საშუალებებს. შექმნის ოფიციალურ თარიღად ითვლება 1965 წლის 1 იანვარი.

პალესტინის წინააღმდეგობის მოძრაობა მოიცავს 10-ზე მეტ სამხედრო-პოლიტიკურ ორგანიზაციას. მისი პოლიტიკური სტრუქტურის ბირთვია 1964 წელს შექმნილი პალესტინის გათავისუფლების ორგანიზაცია. ამ ორგანიზაციის განკარგულებაშია პალესტინის გათავისუფლების არმია. პალესტინის წინააღმდეგობის მოძრაობის სხვა ორგანიზაციების რიცხვს, რომლებიც გაეროს ფარგლებს გარეთ მოქმედებენ, განეკუთვნებიან: პალესტინის სახალხო პარტია (დაარსდა 1982 წელს, 1991 წლამდე – პალესტინის კომუნისტური პარტია), ისლამური ეროვნული ხსნის პარტია (დაარსა 1996 წელს ისლამურმა წინააღმდეგობის მოძრაობამ ჰამასმა), მოძრაობა “ჯიჰად ისლამი” და სხვა.


წყარო

ქართული სამხედრო ენციკლოპედიური ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები