პაპიაშვილი ზურა
NPLG Wiki Dictionaries გვერდიდან
პაპიაშვილი ზურა − (1978), პოეტი და დრამატურგი. დაიბადა თბილისში. პირველი ლექსი 15 წლის ასაკში დაწერა. განათლებით არის იურისტი, ავტორია სამი პოეტური კრებულისა, მათ შორისაა: „ლექსები” (20011), „აჩრდილი” (2012), „დრო იყო უცხო” (2017).
- რაღაც უცნაური სიზმარია,
- რაღაც უცნაური ზღვა,
- სადღაც დიდებული ტალღებია,
- ეთამაშებიან ზღვას;
- მზის სხივზე გადიან და გამოდიან,
- ფერები ეკეკლუცებიან ცას,
- დროში შეწყვეტილა მთვარის მოძრაობა
- მზეც კი მისცემია დარდს,
- ხავსი მარადმწვანე გადამხმარა,
- ცეცხლი მოსდებია ტყეს,
- სოკო შხამიანი გადამწვარა,
- ვეღარ უმკლავდება ცეცხლს.
- ბაღი უღიმღამოდ გაცრეცილა,
- ბინდი შეჰპარვია სოფელს.
- საკვამურებიდან კვამლი ბოლავს,
- საქმე მოლევიათ ფოთლებს.
- თითქოს სიყვარული გაბუტულა,
- აღარ ელაპარაკება ღმერთს.
- სილამაზე, მისი შემხედვარე,
- მგონი, თავს მოიკლავს დღეს.
- რაღაც უცნაური სიზმარია,
- რაღაც უცნაური ღამე...
- სიზმარს თავს ვერ ვაღწევ,
- მაგრამ არაფერი −
- მაინც მოვახერხებ რამეს.