პატრიოტიზმი
NPLG Wiki Dictionaries გვერდიდან
პატრიოტიზმი - სამშობლოს, სახელმწიფოსა და თავისი ხალხის სიყვარული, მისწრაფება და ქმედება მათი ინტერესების დასაცავად. როგორც წესი, პატრიოტიზმი გვევლინება სხვადასხვა სოციალური, ეროვნული, რელიგიური და თანამემამულეების ჯგუფების კონსოლიდაციის, ფაქტორად.
პატრიოტიზმის უმნიშვნელოვანესი მხარეა აუცილებლობის რწმენა სამშობლოს ყოველმხრივ დასაცავად. მის პრაქტიკულ გამოხატულებას წარმოადგენს მოსახლეობის მორალურ-ფსიქოლოგიური მზადყოფნა, მოიგერიოს შესაძლო გარე აგრესია, იზრუნოს ქვეყნის შეიარაღებულ ძალებზე.
