პისტოლეტ-ტყვიამფრქვევი
NPLG Wiki Dictionaries გვერდიდან
პისტოლეტ-ტყვიამფრქვევი - ინდივიდუალური სასროლი ავტომატური იარაღი, რომელშიც პისტოლეტის ვაზნა გამოიყენება.
მცირე გაბარიტები, მასა, სროლის მაღალი ტემპი (500–1000 გასრ./წთ) და ტყვიის შემაჩერებელი მოქმედება პისტოლეტ-ტყვიამფრქვევს ახლო მანძილზე (200 მ-დე) ბრძოლის მოხერხებულ და ეფექტურ იარაღად აქცევს. სხვა სახეობის ავტომატური იარაღისგან განსხვავდება მარტივი კოსტრუქციით (ავტომატიკის მუშაობის პრინციპი – თავისუფალი ჩამკეტის უკუქცევა), შედეგის მაღალი საიმედოობით და იაფი დამზადებით. პირველად გაჩნდა I მსოფლიო ომის დროს, მაგრამ ფართოდ გავრცელდა მხოლოდ II მსოფლიო ომის დროს.