პომპეუსის ლაშქრობა სამხრეთ კავკასიაში ძვ.წ. 65

NPLG Wiki Dictionaries გვერდიდან
გადასვლა: ნავიგაცია, ძიება
პომპეუსის ლაშქრობა იბერიასა და კოლხეთში

პომპეუსის ლაშქრობა სამხრეთ კავკასიაში ძვ.წ. 65 - იმ ომების ეპიზოდი, რომელსაც აწარმოებდა ძველი რომის სახელმწიფო აზიაში გაბატონებისათვის.

ამ დროს აღმოსავლეთში რომის მთავარი მეტოქე იყო პონტოს სამეფო. პონტოს მეფის, მითრიდატე VI-ის, მოკავშირეთა შორის იყვნენ სამხრეთ კავკასიის მფლობელები – დიდი სომხეთის, იბერიისა (ქართლი) და ალბანეთის მეფეები. 66 წელს რომაული არმიის მთავარსარდლად აზიაში დაინიშნა გნეუს პომპეუსი. მან მითრიდატე VI დაამარცხა და აიძულა გაქცეულიყო ჯერ კოლხეთში, მერე კი – ჩრდილოეთ შავიზღვისპირეთში.

იმავე წელს პომპეუსი სომხეთში შეიჭრა, აიღო მისი დედაქალაქი. სომეხთა მეფე ტიგრან II იძულებული გახდა რომის ვასალად ეცნო თავი და კონტრიბუცია გადაეხადა.შემდეგ რომაელებმა მტკვრისკენ წაიწიეს, აქ დაამარცხეს ალბანელები და 65 წლის გაზაფხულზე იბერიაში შეიჭრნენ. იბერთა ლაშქარი ბრძოლაში დამარცხდა (ბერძენი ისტორიკოსის პლუტარქეს ცნობით, ბრძოლის ველზე დაეცა 9 ათ. ქართველი, ხოლო 10 ათ. ტყვედ ჩავარდა). იბერიის მეფე არტაგმა რომის უზენაესობა აღიარა.

იბერიის დამორჩილების შემდეგ პომპეუსი გადავიდა კოლხეთში და ჩავიდა ფაზისამდე (ახლა – ფოთი), სადაც მას რომაელთა ფლოტი ელოდებოდა. კოლხეთის დაპყრობილი ნაწილის მმართველად პომპეუსმა ვინმე არისტარქე დანიშნა.



წყარო

მოძიებულია „https://www.nplg.gov.ge/wikidict/index.php?title=%E1%83%9E%E1%83%9D%E1%83%9B%E1%83%9E%E1%83%94%E1%83%A3%E1%83%A1%E1%83%98%E1%83%A1_%E1%83%9A%E1%83%90%E1%83%A8%E1%83%A5%E1%83%A0%E1%83%9D%E1%83%91%E1%83%90_%E1%83%A1%E1%83%90%E1%83%9B%E1%83%AE%E1%83%A0%E1%83%94%E1%83%97_%E1%83%99%E1%83%90%E1%83%95%E1%83%99%E1%83%90%E1%83%A1%E1%83%98%E1%83%90%E1%83%A8%E1%83%98_%E1%83%AB%E1%83%95.%E1%83%AC._65&oldid=91071“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები