პოშოლა
NPLG Wiki Dictionaries გვერდიდან
პოშოლა - რბილი ხორბლის უფხო ჯიში რაჭაში “პოშოლას” სახელითაა ცნობილი. ეთნოგრაფიული მონაცემებით, პოშოლა, ხულუგოს მსგავსად უფხო, მრგვალი მსხვილთავთავიანი, თეთრი ხორბალია; ითესება გაზაფხულსა და შემოდგომაზეც, ადრე შემოდის (ბრეგაძე, 1969).
ლ. ფრუიძე (1986) შრომაში - „რაჭა ეთნოგრაფიის თვალით“ აღნიშნავს: რაჭაში უკანასკნელ პერიოდში ხორბალი საერთოდ არ ითესება, მაშინ როდესაც იფქლს, ხულუგოს და დიკას არა მარტო ისტორიული, არამედ დიდი სამეურნეო ღირებულება აქვთ.