რამიშვილი ოთარ
NPLG Wiki Dictionaries გვერდიდან
ოთარ რამიშვილი − (1934 − 2011), მომღერალი, კომპოზიტორი, პოეტი. დაიბადა თბილისში. დიდ ესტრადაზე გამოვიდა 1982 წელს. მღეროდა საკუთარ სიმღერებს ძირითადად საკუთარ და ქართველი პოეტების ლექსებზე, თავისებური მანერით, ემოციურად უმღეროდა თბილისს, სიცოცხლეს, სიყვარულს. გამოცემული აქვს ლექსების კრებულები: „იების თოვლი”, „იების თოვლი –2”, „ფიქრების ზღვა” და სხვა.
- ბულბული
- ბულბულის სტვენა, შაშვის გალობა,
- გედის სიმღერა და დედის ნანა,
- ასე ტკბილია, ასე თბილია
- ჩემი ხალხი და ჩემი ქვეყანა.
- მესმის გალობა ედემის ბაღში,
- მესმის რომ გალობს ნაზი ბულბული,
- სიოს ჩურჩულში, ფოთოლთ შრიალში,
- ვუსმენ და ვტკბები გატაცებული.
- როგორ ვინატრე მეც რომ მქონოდა,
- ნარნარი ხმა და წარმტაცი ბგერა,
- რა იქნებოდა მეც შემძლებოდა
- იმ ბულბულივით ნაზი სიმღერა.
