რეიდი (სამხედრო ტერმინი)
NPLG Wiki Dictionaries გვერდიდან
რეიდი (სამხედრო ტერმინი) (ინგლისური raid – თავსდაცემა) – სწრაფადმოძრავი (საჰაერო-სადესანტო, სატანკო, მექანიზებული, წინათ – კავალერიის) შენაერთების (ნაწილების, ქვედანაყოფების) ან პარტიზანული რაზმების (შენაერთების) სწრაფი წინსვლა. საბრძოლო მოქმედებები ტარდება მოწინააღმდეგის ზურგში მისი ცოცხალი ძალის და ტექნიკის, დიდმნიშვნელოვანი ობიექტების გასანადგურებლად; ლოგისტიკის, მართვის პუნქტების, კავშირგაბმულობის კვანძების მუშაობის დეზორგანიზაციის, კომუნიკაციათა დარღვევის, პარტიზანული მოძრაობისთვის დახმარების გაწევის მიზნით. ფართოდ გამოიყენებოდა II მსოფლიო ომის წლებში.
