რუხაია გრიგოლ
რუხაია გრიგოლ — (1949 – 2013), ქართველი პოეტი, პროზაიკოსი, ესეისტი, პუბლიცისტი. დაიბადა ფოთში. 1973 წელს დაამთავრა თსუ-ს ფილოლოგიის ფაკულტეტი. 1984 წელს გამოვიდა მისი ლექსების პირველი კრებული „ალვის ჩრდილი ერდოზე“, გამოცემულია, აგრეთვე, კრებული „ვლიან ჟამნი“. მისი ლექსები, მოთხრობები და ესეები სისტემატურად იბეჭდებოდა სხვადასხვა ლიტერატურულ-საზოგადოებრივ და მართლმადიდებლურ ჟურნალებში. 2003 წელს გაზეთ „ტრიბუნაში“ დაიბეჭდა მისი რომანი „სოკოები ცხუმის თავზე”; იგი სხვადასხვა დროს მუშაობდა თსუ-ს სტამბის რედაქტორად, საქართველოს პოლიტექნიკური ინსტიტუტის გაზეთის რედაქტორად, საქართველოს სპორტკომიტეტის სპორტული ალმანახის რედაქტორად, ჟურნალ „ნობათის“ პასუხისმგებელ მდივნად, კულტურის სამინისტროს მეთოდურ-საგანმანათლებლო ცენტრის დირექტორად. „სალიტერატურო გაზეთის“ პოეზიის განყოფილების რედაქტორად.
- ერთი ლექსი „ექვსაიებიდან“
- 1. არვინ უწყის, კალმის წვერი
- მეყ-წამში რას დაწერს, რას შობს...
- 2. ზოგი სიტყვა კვიცად მიხტის,
- ზოგი ტორს სცემს ცას და რაშობს...
- 3. ზოგი ცხვირსებრ მისძოვს ბალახს,
- სხვა ქარს ეჭიდება, ახშობს,
- 4. სხვა ზედ არ დასცქერის კალამს,
- ქედმაღლობს, უშნოდ პარპაშობს.
- 5. სხვაც კალმოსანს დასცინის და
- საქმეს უხდის საყარყაშოს,
- 6. პირველ სიტყვა `ღმერთი~ იყო...
- ის ჩვენშია, არ თამაშობს.