სალუქვაძე ანზორ

NPLG Wiki Dictionaries გვერდიდან
გადასვლა: ნავიგაცია, ძიება
ანზორ სალუქვაძე

სალუქვაძე ანზორ – (1931 – 2001), ქართველი დრამატურგი, მწერალი, პოეტი. დაიბადა თბილისში. 1958 წელს დაამთავრა თბილისის უცხო ენათა ინსტიტუტის ინგლისური ენის ფაკულტეტი. კინოში მოღვაწეობდა 1960 წლიდან. სცენარის ავტორია ფილმების: „ზღვის ბილიკი“ (1962), „აღმაფრენა“ (1964), „სალამური“ (1964), „ვედრება“ (1967), „განგაში” (1968), „ვერის უბნის მელოდიები“ (1973), „უბედურება” (1979), „წიგნი ფიცისა“ (1983), „მოკვეთილი“ (1992) და სხვა.

პირველი ლექსები 1957 წელს გამოაქვეყნა; 1973 წელს გამოვიდა მისი ლექსების კრებული; სიკვდილის შემდეგ გამოსცეს მისი ლექსების, ბალადების და პოემების კრებული „იასამანი“ (2002).

იასამანი
გული ამიმღერდა ცისფერ სავანეში,
ასეთ სილამაზეს მივესალმები.
ო, რა სევდიანი ჩავალ სამარეში,
თუ არ ჩამატანეთ იასამნები!
მჯერა, ბევრი დამრჩა კიდევ სავალი,
გზებზე ყვავილებით სავსე კორდებია,
ქალივით ჩურჩულებს იასამანი,
თითქოს სიყვარულის ცეცხლი მოსდებია.
ნიავი, მაისი, ბაღში, სავანეში...
ასეთ მაისებში გზაა სავალი!
ო, რა სევდიანი ჩავალ სამარეში,
თუ არ ჩამატანეთ იასამანი!


წყარო

ქართველი პოეტები (ენციკლოპედია)

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები