სამას სამოცდასამი წმინდა გიორგი
NPLG Wiki Dictionaries გვერდიდან
სამას სამოცდასამი წმინდა გიორგი − წმიდა გიორგი ქაჯებს ტყვედ ჩავარდნია. უთქვამთ, ეს წმიდანია და უნდა გამოვცადოთო. სამი დღე და ღამე წისქვილის ბორბალზე მიუკრავთ, უტანჯიათ და მაინც ვერ მოუკლავთ. სამი დღე და ღამე საკირეში ჰყოლიათ ჩაგდებული, არ დამწვარა. მერე სამას სამოცდასამ ასოდ დაუჭრიათ: ახლაც არ მოკვდებიო? ბოლოს, ანგელოზებად შეიმოსა ყველა ნაწილი და გაფრინდნენ. ახლა ყველას თავ-თავის სახელი ჰქვია და ყველანი წმიდა გიორგის ნაწილები არიან და მისი მოძმეები: კოპალა, ლაშარი, ხახმატი, ლაღი იახსარიც.