სამხედრო-სამრეწველო კომპლექსი

NPLG Wiki Dictionaries გვერდიდან
გადასვლა: ნავიგაცია, ძიება

სამხედრო-სამრეწველო კომპლექსი - ქვეყნის (ქვეყნების ჯგუფის) სამრეწველო კომპლექსის ნაწილი, რომელიც სპეციალიზებულია იარაღის, სამხედრო ტექნიკის მეცნიერულ შემუშავებასა და წარმოებაზე, ასევე ამ იარაღით და ტექნიკით შეიარაღებული ძალების და სახელმწიფოს სხვა შეიარაღებული ფორმირებების უზრუნველყოფაზე. სამხედრო-სამრეწველო კომპლექსის განვითარებაზე გადამწყვეტ გავლენას ახდენს ქვეყნის საშინაო და საგარეო პოლიტიკა, სამხედრო-პოლიტიკური ვითარება მსოფლიოში, რეგიონში, სახელმწიფოს სამხედრო პოლიტიკა, აგრეთვე ქვეყნის (ქვეყნების ჯგუფის) ეკონომიკური და სამეცნიერო-ტექნიკური შესაძლებლობები. თავის მხრივ, ომების მასშტაბის მატებამ, მეომარი მხარეების სამეცნიერო-ტექნიკური დაპირისპირების ზრდამ, გამალებულმა შეიარაღებამ და იარაღით ვაჭრობის გაფართოებამ ხელი შეუწყვეს სამხედრო-სამრეწველო კომპლექსის სწრაფ განვითარებას, მის ფორმირებას ერთიან სოციალურ მოვლენად. მეცნიერულ-ტექნიკური რევოლუციის პირობებში განვითარებული ქვეყნების სამხედრო-სამრეწველო კომპლექსებმა შეიძინეს მთელი რიგი მსგავსი ნიშან-თვისებები ორგანიზაციულ სტრუქტურაში, სამხედრო-ეკონომიკურ ინტეგრაციაში, მათ შორის არსებული სოციალური და ეროვნული განსხვავებების პირობებში.


წყარო

მოძიებულია „https://www.nplg.gov.ge/wikidict/index.php?title=%E1%83%A1%E1%83%90%E1%83%9B%E1%83%AE%E1%83%94%E1%83%93%E1%83%A0%E1%83%9D-%E1%83%A1%E1%83%90%E1%83%9B%E1%83%A0%E1%83%94%E1%83%AC%E1%83%95%E1%83%94%E1%83%9A%E1%83%9D_%E1%83%99%E1%83%9D%E1%83%9B%E1%83%9E%E1%83%9A%E1%83%94%E1%83%A5%E1%83%A1%E1%83%98&oldid=47978“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები