სამხედრო აქცია
სამხედრო აქცია - მიზნებით, ადგილით და დროში შეზღუდული სამხედრო ძალის გამოყენება სხვა სახელმწიფოს ან შიდასახელმწიფოებრივი შეიარაღებული ორგანიზაციების და ჯგუფების წინააღმდეგ. ხორციელდება ქვეყნის პოლიტიკური და სამხედრო ხელმძღვანელობის მიერ იმ შემთხვევაში, როდესაც დასახული მიზნები არ მოითხოვს შეიარაღებული ძალების მასშტაბურ გამოყენებას ან როდესაც ასეთი გამოყენება არასასურველია საგარეო და შიდა მიზეზების გამო.
სამხედრო აქციის დროს გამოიყენება ქვეყნაში არსებული ძალების და საშუალებების უმნიშვნელო ნაწილი.
სამხედრო აქცია შეიძლება გამოიყენონ ომის ან სახელმწიფოთაშორისი ურთიერთობების დაძაბვის პერიოდში და ქვეყანაში შიდა კონფლიქტის დროს. ომის პირობებში სამხედრო აქციას იყენებენ საკუთარი და მოწინააღმდეგის ჯარების და მოსახლეობის მორალურ სულისკვეთებაზე ზემოქმედების, უმოკლეს ვადებში მსხვილი სამხედრო წარმატებების უზრუნველყოფისა და სხვა მიზნებისათვის. მშვიდობიანობის პერიოდში სამხედრო აქცია მოწმობს არასამხედრო საშუალებებით საერთაშორისო ან შიდა წინააღმდეგობების გადაწყვეტის უუნარობას, სახელმწიფოს სამხედრო ძალის იძულებით, ან შეგნებულად გამოყენებას. გლობალური ან რეგიონული მიზნების მისაღწევად ცალკეული სახელმწიფოების მიერ სამხედრო აქციის განხორციელება დიქტატის პოლიტიკის ინტერესებს ემსახურება.
როგორც უკიდურესი ფორმა, სამხედრო აქცია შეიძლება განხორციელდეს მშვიდობის აღდგენისა და შენარჩუნების ოპერაციების ჩარჩოებში.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი2017
