სამხედრო კვალიფიკაცია
NPLG Wiki Dictionaries გვერდიდან
სამხედრო კვალიფიკაცია - სამხედრო მოსამსახურის (რეზერვში მყოფი მოქალაქის) სპეციალიზაციის სახეობა და პროფესიული მომზადების დონე.
მისი მახასიათებლებია სამხედრო, სამხედრო-ტექნიკური და სხვა სპეციალური ცოდნა, აგრეთვე პრაქტიკული ჩვევები. სამხედრო კვალიფიკაცია აუცილებელია სამხედრო სამსახურში გარკვეული სამსახურებრივი მოვალეობების შესასრულებლად. მის მაჩვენებლებს წარმოადგენს, აგრეთვე სამხედრო განათლების დონე, სამხედრო სამსახურისა და სხვადასხვა თანამდებობაზე პრაქტიკული მუშაობის სტაჟი. სამხედრო კვალიფიკაციის უმეტესობა სამხედრო თანამდებობების და სპეციალობების მიხედვით განისაზღვრება სამხედრო მოსამსახურისათვის კლასის კვალიფიკაციის მიკუთვნებით.