საჰაერო-სახმელეთო ოპერაცია (ბატალეა)

NPLG Wiki Dictionaries გვერდიდან
გადასვლა: ნავიგაცია, ძიება

საჰაერო-სახმელეთო ოპერაცია (ბატალეა) – ხმელეთზე განლაგებული ჯარების საჰაერო დესანტის და სამხედრო-საჰაერო ძალების მიზნების, ადგილის და დროის მიხედვით შეთანხმებული მანევრული საბრძოლო მოქმედებები. ისინი ხორციელდება I ეშელონის (ავიაცია) არმიების ოპერატიული დაწყობის მთელ სიღრმეზე მოწინააღმდეგის ერთდროული განადგურების მიზნით. იყენებენ სხვადასხვა სახეობის იარაღს, საბრძოლი ტექნიკასა და რადიოელექტრონული ბრძოლის საშუალებებს. აშშ-ის სახმელეთო ძალების და სამხედრო-საჰაერო ძალების სხვადასხვა გვარეობის ძალების და საშუალებების საბრძოლო გამოყენების კონცეფცია.

საჰაერო-სახმელეთო ოპერაცია (ბატალეა)-ის მიზანია, საერთო-საჯარისო შენაერთების (ნაწილების) და ტაქტიკური ავიაციის გადამჭრელი მოქმედებების უზრუნველყოფა უშუალოდ მოწინააღმდეგის გასანადგურებლად და იმავდროულად მისი II ეშელონის (რეზერვების) ღრმა საცეცხლე (ბირთვული) დაზიანება.

საჰაერო-სახმელეთო ოპერაცია (ბატალეა)-ის კონცეფციის მატერიალური საფუძველია დაზვერვის და მიზანჩვენების მაღალეფექტური საშუალებები; მძლავრი საცეცხლე საშუალებები, რომლებიც გამოირჩევა სროლის მაღალი სიზუსტით და დიდი სიშორით; მართვის და კავშირგაბმულობის ავტომატიზებული სისტემები, რომლებიც უზრუნველყოფენ ჯარების (ძალების) ხელმძღვანელობას და მონაცემების გადაცემას დროის რეალური მასშტაბით.

საჰაერო-სახმელეთო ოპერაცია (ბატალეა)-ის ფუძემდებლური პრინციპებია: ინიციატივა, სიღრმე, სისწრაფე და შეთანხმებული მოქმედებები.


წყარო

ქართული სამხედრო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%A1%E1%83%90%E1%83%B0%E1%83%90%E1%83%94%E1%83%A0%E1%83%9D-%E1%83%A1%E1%83%90%E1%83%AE%E1%83%9B%E1%83%94%E1%83%9A%E1%83%94%E1%83%97%E1%83%9D_%E1%83%9D%E1%83%9E%E1%83%94%E1%83%A0%E1%83%90%E1%83%AA%E1%83%98%E1%83%90_(%E1%83%91%E1%83%90%E1%83%A2%E1%83%90%E1%83%9A%E1%83%94%E1%83%90)&oldid=51666“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები