სელიე ჰანს

NPLG Wiki Dictionaries გვერდიდან
გადასვლა: ნავიგაცია, ძიება
სელიე ჰანს

სელიე ჰანს - Selye Hans, Селье Ганс, 1907-1982

უნგრული წარმოშობის კანადელი ბიოლოგი, პათანატომი, ენდოკრინოლოგი და ექიმი, შექმნა მოძღვრება სტრესის შესახებ. დაიბადა ავსტრიაში, განათლება მიიღო პრაღის გერმანული უნივერსიტეტის სამედიცინო ფაკულტეტზე, იყო კენონის მოწაფე. შემდეგ სწავლა განაგრძო რომში და პარიზში. 1932 წელს გადასახლდა კანადაში, სადაც 1945 წლიდან ხელმძღვანელობდა მონრეალის უნივერსიტეტის ექსპერიმენტული მედიცინისა და ქირურგიის ინსტიტუტს. შეიმუშავა სწავლება ფიზიოლოგიურ სტრესზე. ის ეყდნობა ზოგადი ადაპტაციური სინდრომის ცნებას - ფიზიოლოგიური რეაქციების ერთობლიობა, რომელიც უზრუნველყოფს რთულ პირობებში ორგანიზმის ფსიქოფიზიოლოგიური რეაქციების მობილიზაციას ადაპტაციისთვის. სტრესი ორგანიზმის საერთო, არასპეციფიკური ადაპტაციური რეაქციაა ძლიერ გამღიზიანებელზე. სელიემ ადამიანებზე ექსპერიმენტული და კლინიკური კვლევების საფუძველზე ჩამოაყალიბდა „ფსიქოლოგიური სტრესის” ცნება (სტრესის ფსიქოლოგიური გამვლინებები და ფაქტორები). თანამედროვე ფსიქოლოგია წარმოუდგენელია სტრესის ცნების გარეშე.



წყარო

ფსიქოლოგიის ქართული ლექსიკონი
სტატიის ავტორი - ირაკლი იმედაძე, დიმიტრი უზნაძის სახელობის საქართველოს ფსიქოლოგთა საზოგადოება.
ლექსიკონი შეიქმნა შოთა რუსთაველის ეროვნული სამეცნიერო ფონდის გრანტით.

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები